VIGAN CITY – Nagbilib ti dadduma a lider iti Kamara ti impakita a kinatiber ken panagayat iti pagilian ti “Atin Ito Coalition” a napan idiay Panatag Shoal.
Segun ken ni Chairman ti Human Rights Panel, 6th District Representative Bienvenido “Benny Abante Jr., makapainspire ti impakita ti grupo iti panagayatda iti pagilian a rumbeng a tuladen.
Inallujkoy pay ni Abante dagiti padana nga agpampanday linteg a kadua-enda isuna nga aglugan iti barko ken bisitaen ti teritoryo iti pagilian idiay West Philippine Sea.
Kinunana pay a panawenen nga ipakita ti rurod ti tunggal Pilipino gapu iti panag-bully iti China, saan laeng ditoy pagilian ta uray iti dadduma pay a paset iti lubong.
VIDEO – REPRESENTATIVE BENNY ABANTE JR
Kinuna met ni Lanao del Sur Representative Zia Alonto Adiong a ti inaramid ti grupo ket mangipakita a napigsa pay laeng ti panagkaykaysa ken panagbalin a bannuar dagiti Pilipino.
Segun ken ni Adiong, saan a masapul nga agbalin a public official ti panangisalakan iti West Philippine Sea ta masalakniban latta dagiti gagangay a Pilipino iti karbengan ti Pilipinas.
VIDEO – REP. ZIA ALONTO ADIONG
