VIGAN CITY – Agtultuloy iti panangpalagip ti Sta. Maria Police Station iti publiko ti panangsurot iti health and safety protocols tapno maliklikan iti covid-19 kagiddan iti panagado iti kaso iti nasao nga ili.
Iti pannaki-uman iti Bombo Radyo Vigan ken ni PLt. Joel Dasargo iti Sta. Maria PNP, ti naisayagkat a taripnong kadadua ti Mayor ken IATF ket manamnama iti pannakaidalan iti lockdown dagiti Sitio ti Barangay a nangangato iti kaso iti covid-19.
Segun ken ni Dasargo, numan bilang maisayangkat iti lockdown ket obligaren dagiti Brgy. Officials iti agbantay kadagiti masakupanda ken asistaran ti kasapulan dagiti agindeg ngem katinnulongda dagiti pannakabagi ti linteg.
Kiddawna pay kadagiti maapektaran iti lockdown nga awatenda iti nainget nga implementasyonda ken makitinnulong tapno saanen nga agwaras iti virus.
