VIGAN CITY – Nakemmeg dagiti ag-live in partner iti naisayangkat a buy bust operation idiay Barangay Rizal, Cabugao.
Iti pannaki-uman ti Bombo Radyo Vigan ken PMaj Juan Jhayar Maggay iti Cabugao Municipal Police Station, agpada a Top 3 Regional Level Target dagti ag-live in a da Mark Anthony Barcena Tumandao, agtawen iti tallopulo ket maysa, naasawaan, funeral band member nga agnaed idiay Barangay Salapasap; ken Emibeth Ragadi Tabaco, agtawen iti duapulo ket tallo, balo, awanan trabaho nga agnaed idiay Barangay Napo, Magsingal.
Segun ken ni Maggay, nalawa iti supsuplayan dagiti dua ta naala kadakuda iti nasurok kumurang limapulo a gramo iti shabu nga aggatad iti P340,000 a naglaon iti siam a piraso iti heat-sealed transparent plastic.
Karaman pay a naala ket ti maysa a piraso iti sangaribo a pisos, duapulo ket uppat a piraso a boodle money, maysa a pakete iti empty plastic sachet, maysa a piraso iti color black lighter, maysa a piraso iti improvise scope, maysa a piraso iti improvise wooden sealer, maysa a piraso iti nangisit a pouch.
VOICE OF PMAJ JUAN JHAYAR MAGGAY
