--Ads--
VIGAN CITY – Naipaima kadagiti pannakabagi ti linteg iti maysa a pampabettak nga aglatlatin a nasarakan iti maysa a mannalon idiay Brgy. Darao, San Juan.
Nagresponde ti San Juan Municipal Police Station iti nasao a lugar kadua ti EOD ti probinsia ta nakaawatda iti report inaig iti pannakasarak ti MK2 Fragmentation Grenade.
Ti pampabettak ket nasarakan ni Julius Pascua Agamanos agtawen ti lima pulo ket tallo nga agnaed ti nasao a barangay bayat ti panagwaywayna iti kalding iti asideg ti pogonna.
Ti agdama addan ti kustodiya ti EOD Ilocos Sur ti MK2 Fragmentation para iti naananay a disposisyon.
-- ADVERTISEMENT --
