VIGAN CITY – Agtultuloy ti hot pursuit operation dagiti kameng ti Sta. Lucia Police Station para ti pannakatiliw ti suspek iti pammaltog a napasamak idiay Brgy. Sabuanan, Sta. Lucia a nakairamanan dagiti agkakabagyan.
Ti suspek ket ni Dhundie Cuenta, kameng ti MDRRMO-Sta. Lucia nga agnaed iti nasao a lugar idinto a dagiti biktima ket da Cesar Valdez, agtawen iti innem a pulo ket maysa ken ni Nelson Valdez, agtawen iti uppat a pulo ket siam, kameng ti engineering office ti nasao nga ili ken agpada nga agnaed iti nasao a lugar.
Segun ken ni PCpl. Albert Benitez, nagiinom ti suspek ken dagiti dua a biktima iti birthday party idin ta adda ti saanda a nagkikinnaawatan ket bigla a pinaltugan ti suspek dagiti biktima iti mano a daras.
Nagsagaba iti tama ti bala ti paltog dagiti biktima a naipan iti ospital para ti naan-anay a pannakatamingda.
