VIGAN CITY – Kaso a robbery ti sangwen dagiti dua nga agkabsat a nagtakaw iti karrubada idiay Santa Cruz, Sinait.
Iti pannaki-uman ti Bombo Radyo Vigan ken ni PSMS. Rodel Rafanan iti Sinait Municipal Police Station, nabigbig dagiti suspek nga agkabsat a da Judy Pascua Iloreta, agtawen ti duapulo ket lima, balasang ken ni Jufer Iloreta, agtawen ti duapulo ket maysa a mannalon idinto a ti biktima ket ni Danilo Macugay, agtawen ti limapulo ket tallo nga agpapada nga agnaed ti nasao a lugar.
Segun ken ni Rafanan, nakaawatda ti tawag inaig ti napasamak a panagtakaw iti nasao a lugar isu a nagrespondeda.
Naamwan iti imbestigasyon a nagapu ti biktima ti sari-sari storena ket idi nagawid, nakitana a nadadael ti plastic cover iti tawa iti kuartona a mapapati a nagnaan dagiti suspek ken nakitana a nalukatan ti durabox na ket awanen ti linaon ti walletna a sangaribo nga US dollar ken awanen ti nasurok kumurang tallo ribo a pisos a karga ti maysa pay a walletna iti drawer ti computer table-na.
Nupay kasta, inamin dagiti dua iti panagtakawda apaman nga intudo isuda ti biktima ta dakkel ti atapna nga isuda ti nagaramid ti panagtakaw.
Kabayatanna, kiddaw ni Rafanan kadagiti umili a nurumuarda iti pagtaenganda ket siguradoenda a maisarrada a nasayaat ti panawanda.
