--Ads--
Kinumpirmaran ti Bureau of Immigration nga adda itan iti ruar ti pagilian dagiti agkabsat a da Senador Alan Peter Cayetano ken ni Pia Cayetano.
Segun iti BI, maibasar iti rekorrda, awan ti hold departure wenno ania man a derogatory record kontra kadagiti dua a senador iti oras ti ipapanawda iti pagilian.
Gapu dayta, awan ti legal a rason a mabalin a manglapped iti panagbiaheda a mapan iti sabali a pagilian.
Kabayatanna, innayon ti BI a sagudayen ti Data Privacy Act of 2012 a saan a mabalin a maipakita iti publiko ti dadduma pay a detalye ti biaheda agraman ti destinasion, itinerary ken dadduma pay nga impormasion.
-- ADVERTISEMENT --
Nagbalin a patangan ti ipapanaw dagiti agkabsat iti baet ti imbestigasyon iti reclamation activity idiay Laguna de Bay.
