VIGAN CITY – Agbubuteng dagiti agindeg idiay Lagayan, Abra kasaruno iti napasamak a magnitude 6.4 a ginggined idi rabii.
Iti pannakipapatang ti Bombo Radyo Vigan ken ni Mayor Edmarc Crisologo, saan a napintas iti sitwasyonda iti agdama gapu iti impact iti ginggined ket adu iti agbubuteng.
Segun ken ni Mayor Crisologo, ti kangrunaan a naapektaran iti ayanda ket dagiti pribado a pagtaengan ken pampubliko a pasdek.
Maysa ti Pulot National High School a naapektaran ket adda pay dua a pasdek iti nadadael idinto a ti sibubukel a Brgy. Pulot ket saan a natalged iti agdama ta totally damaged ken karaman iti munisipyo iti nasao nga ili.
Addaan iti innem a tattao manipod iti nasao a barangay iti nataming iti Rural Health Unit para iti pannakatamingda kalpasan a nadangranda iti nasao a ginggined.
Kabayatanna, isagsaganan ti local a gobierno iti maipaayda a tulong kadagiti umili a naapektaran ti nasao a ginggined.
VC – MAYOR EDMARC CRISOLOGO
