--Ads--
Nadumaduma a klase ti alahas ti natakaw manipud iti pagtaengan ti maysa a doktor idiay Barangay Marcos, Santa, Ilocos Sur.
Iti pannaki-uman ti Bombo Radyo Vigan ken ni PCpt. Rovic Nelmida, Acting Chief of Police (ACOP) ti Santa Municipal Police Station (MPS), inaklon ti katulong ti biktima nga isuna ti nangala kadagiti alahas sipud pay idi bulan ti Agosto.
Innayon pay ti suspek a naminlima a daras nga inaramidna ti agtakaw, ta malaksid kadagiti alahas ket napukaw pay dagiti US Dollar, a mapatta-patta nga aggatad ti nasurok a PhP1 Million.
Madama itan ti inquest proceeding ti suspek iti opisina ti piskal idiay ili ti Narvacan, ken sangoenna iti kaso a qualified theft. Augie Arellano
-- ADVERTISEMENT --
