Pinasingkedan ni Center for International Law President Atty. Joel Butuyan nga awan ti naan-anay a pagibasaran ti agdama a health condition ni dati a Presidente Rodrigo Duterte tapno maitantan ti confirmation of charges inton Setyembre 23.
Segun ken ni Butuyan, ti napalabas nga interview ken ni Vice President Sara Duterte ket inruarna a nasayaat ken natalged ti kasasaad iti amana iti uneg ti detention center.
Innayon pay ni Butuyan nga ammo ti dati a presidente ti agdama a mapaspasamak ken no ania dagiti inaramidna ket ibagbaga laeng ti defense team-na dagiti delaying tactics kalpasan a na-deny dagiti immuna a mosion nga impila-da.
Maibilang met a political move ti panagkiddaw ti legal counsel ni dati Presidente Duterte a ni Nicolas Kaufman ken ni President Ferdinand Marcos Jr. a palubosan a makaawid iti pagilian ti dati nga opisial.
