--Ads--
Immuli iti tuktok ti Empire State Building idiay New York City dagiti agayan-ayat tapno mangiwaragawag iti mensahe para iti nainlubongan a kappia babaen iti maysa a dakkel a banner nga adda nakasurat a: “When the power of love beats the love of power the world knows peace.”
Nakasuot iti nangisit dagiti 2 kabayatan a kumkumpetda iti antenna spire ti pasdek nga adda iti nasurok-kumurang 1,454 a kadapan wenno 443 a metro ti kangatona.
Saan pay nga ammo dagiti otoridad no asinoda ken no kasanoda a nakagteng iti delikado a paset ti pasdek.
Kabayatan ti panagbabada iti antenna structure, makita iti video a nagparintumeng ti maysa kadakuada nga arigna nagbalin a marriage proposal, sakbay ti panaginnarakup ken panagbinnisitoda.
-- ADVERTISEMENT --
