VIGAN CITY – Nagiruar ti Executive order iti ili ti Santa maipanggep kadagiti a mapan iti ilida a naggapo iti ruar iti probinsia.
Iti pannakuman ti Bombo Radyo Vigan kenni Vice Mayor Atty. Jeremy Bueno, nakaipalaon ti Executive Order No.6 Series of 2021 nga amin a mapan iti Santa ket masapol nga ipakammoda nga insigida iti Rurall Health Unit iti ili wenno ti Barangay Health Emergency Response Team tapno mai-iskedyulda iti monitoring check ups.
Segun ti bise mayor, dagiti sumangpet a residente wenno turista ket masapul a dumalan ti free surveillance monitoring antigen testing iti maikalima ken maikasangapulo nga aldaw nanipud isasangpetda kas paset iti araramiden nga addang ti lokal a gobierno tapno saan nga agwaras ti covid19.
Inlawlawag ni Bueno nga awan ti pakadanagan ti amin ta libre nga ipaay ti lokal a gobyerno ti Santa ti pannakaidalan ti Antigen testing.
Innayonna a nu agpositibo ti maysa a tao iti antigen ket temporaryo a maipan iti quarantine facility para iti re-testing ken monitoring.
Kiddaw ti bise mayor a saanda a tagidaksen ti inpatungpal ti Santa nu di ket kiddawena a makimaymaysa ti amin iti panangmonitor kadagiti sumangpet tapno maliklikan ti panagwaras ti virus ken mapagtalianed ti kinatalged ti amin nga agindeg
