VIGAN CITY – Nakemmeg dagiti agasawa a da Jaco Rinuel Lazo Almanzor ken Ilya Guerero Almanzor iti naisayangkat a buybust operation idiay Brgy. Ayusan Norte, Vigan City.
Babaen ti panagtitinnulong dagiti pannakabagi ti linteg iti salinong ti COPLAN Mojaco ket nakemmeg dagiti dua a suspek.
Naala kadakuada iti nasurok kumurang maysa a gramo iti mapapati a shabu nga aggatad iti P6,800, maysa a sangaribo a pisos a naaramat a buy bust money, uppat a piraso iti boodle money, dua nga unit iti Iphone cellular phone, maysa a strip aluminum foil, maysa nga unit iti Mio soul nga awanan ti plate number, ken dua a disposable lighter.
Kabayatanna, kaso a panaglabsing iti Section 5 in relation to section 26 paragraph b and Section 11 art II ti Republic Act 9165 iti sangwen dagiti dua a suspek.
