VIGAN CITY – Natalgeden iti kasasaad dagiti agasawa a biktima iti robbery hold up a napasamak idiay Brgy. San Jose, Narvacan.
Iti pannaki-uman iti Bombo Radyo Vigan ken ni PCapt. Arcadio Viloria iti Narvacan Municipal Police Station, nakarkaru iti sinagaba ni Imelda Cotez ta tiyanna ti natamaan iti bala idinto a ti asawana a ni Enrique ket ti abaga na ti pinaltogan dagiti saan pay a nabigbig a suspek a nakaaramat iti facemask ken naka-jacket iti color black.
Segun ken ni Viloria, kinuna ti suspek a “walang papalag” ket inyunana a pinaltogan ni Enrique ngem idi saan nga imannogot ni Imelda nga inted ti bag a naglaon iti 1,515,000 a pisos ket ditan nga insarunona a pinaltogan isu a naalana iti kuarta ket insigida a naglugan ti nalabbaga a motorsiklo a nagpabagatan a direksyon.
Kabayatanna, nmnamaen ni Viloria a makatulong dagiti CCTV footage para iti imbestigasyon ket inallukoyna ti publiko a makitinnulong tapno marisot iti nasao a pasamak.
