--Ads--
Nagbabawi dagiti 839 a mangisursuro iti Bangsamoro Autonomous Region in Muslim Mindanao nga agserbi iti eleksion ita nga aldaw gapu ti panagamakda iti kinaranggas kadagiti lugar nga adda parikutna iti seguridad.
Kinumpirmaran ni Comelec Chairman George Erwin Garcia a dagiti naapektaran a lugar ket pakairamanan ti Lanao del Sur, Tawi-tawi, Maguindanao del Sur, BARMM Special Geographic Area ken Cotabato City.
Nagkiddaw met ti 137 a manursuro iti naduma-duma a pagadalan iti Cotabato City iti exemption iti poll assignment-da gapu iti amakda iti kinatalgedda.
Impasigurado ti militar ken kapulisan a nakasagana dagiti puersada a mangsalaknib kadagiti lugar a pagbotosan iti intero a BARMM election.
-- ADVERTISEMENT --
