--Ads--
Dua ti nadunor iti napasamak nga aksidente iti national highway ti Barangay Namalangan, Santa, Ilocos Sur.
Ti traysikel ket minaneho ti lalaki nga agtawen iti limapulo ket walo, agnaed iti nasao a lugar.
Ti met motorsiklo ket minaneho ti maysa a lalaki nga agnaed iti Barangay Marcos District, inluganna ti putotna a babai nga agtawen iti lima.
Agpapa-abagatan ti traysikel ken nakaparada iti igid ti kalsada.
-- ADVERTISEMENT --
Kalpasan ti sumagmamano a gundaway, naidungpar ti motorsiklo iti pilid ti nakaparada a traysikel.
Gapu iti kapigsa ti impact, naipurwak iti kalsada ti drayber ti motorsiklo ken ti kinalubbonna.
Agpada ida a nadunor kket naipaagasda iti ospital para iti naan-anay a pannakatamingda.
Saan met a naan-ano ti drayber ti nagmaneho iti traysikel.
