VIGAN CITY – Dead on arrival idiay Ilocos Sur District Hospital- Narvacan da Joel Alafriz Galdonez nga agtawen iti tallo pulo ket uppat, maysa a laborer ken ti putot na a ni Inigo Galdonez nga agtawen iti tallo a taga- Zone 1, Libtong Tagudin gapu iti pannakaidungpar iti poste ti basketball court idiay Suso, Sta. Maria iti nagluganan da a Toyota Hi-lux idi alas onse baente ti rabii ti June 8.
Segun ken ni Police Lt. Gilbert Tolosa, hepe ti Sta. Maria municipal police station, posible a napartak iti panagmaneho ni Jordan Alfariz Galdonez nga agtawen iti tallo pulo ket pito, naasawaan ken agnaed met laeng iti nasao a lugar isu a saan na a napasimadan iti masimsimpa a paset ti kalsada idiay Barangay Suso isu a nagdere-deretso ket naidungpar iti poste ti basketball court.
Nadundunor ni Jordan ken ti putot na a ni Dan Jay Galdonez nga agtawen iti innem ket isuda iti nakalasat.
Napan naki-birthday dagiti biktima ket mapapati a nakainom ni Jordan isu a posible a saan na a nakontrol iti panagpataray na a poon iti naka-aksidentean da.
