Nakemmeg dagiti ag-partner a maibilbilang a Street Level Individual ti nakemmeg iti buy-bust operation idiay Barangay San Juan, Candon City, Ilocos Sur,
Nabigbig ti suspek a ni Christine Alviento Urbano, agtawen iti tallopulo ket innem, taga-Barangay Paypayad, Candon City ken ni Madonna Ulpindo Mendoza, agtawen iti tallopulo ket innem, tubo iti Barangay Bued, Binalonan, Pangasinan ngem agdama nga agnanaed iti Barangay Paypayad iti nasao a siudad.
Iti pannaki-uman ti Bombo Radyo Vigan ken ni PLTCOL Rodel Del Castillo, nabayagen nga imonmonitorda ti iligal nga aramid dagiti suspek agingga a nakitransaksyon dagiti operatiba kadakuada ket idi matyempoanda ti maysa kadakuada nga agtetext ket ginundawayanda nga impakat ti operasyon.
Naala kadakuada ti 1.5 grams nga aggatad iti mapatta-patta nga P8,200 a naikabil iti sangapulo ket maysa a plastic sachet.
Naala pay dagiti nadumaduma a drug paraphernalia, kuarta ken motorsiklo nga inaramat dagiti suspek. Sangwenda ti kaso a panaglabsing iti Republic Act 9165 wenno Comprehensive Dangerous Drugs Act of 2002.
