--Ads--
Nagballaag ti Philippine Institute of Volcanology and Seismology (Phivolcs) a posible nga agtultuloy iti mano a lawas agingga makabulan dagiti aftershocks kalpasan iti magnitude 7.8 a ginggined a timmama idiay Sarangani.
Segun ti Phivolcs, napasamak iti 7:37AM ti ginggined idiay Maasim, Sarangani ket mapapati a nagtaud iti panaggaraw ti Cotabato Trench.
Iti kaudian a listaan ket umaboten iti nasurok 130 nga aftershocks iti nairekord iti ahensya a ti kapigsaan ket magnitude 6.7.
No man pay kaaddoan nga aftershocks ket nakapsot, kinuna ti Phivolcs a posible a marikna latta iti napipigsa a panagdayyeg kadagiti sumarsaruno nga aldaw.
-- ADVERTISEMENT --
