--Ads--
VIGAN CITY – Nagpositibo iti African swine fever dagiti sample ti baboy a naala iti ili ti Sta. Lucia ken adda ti tallo pay a barangay a mapapatin a naapektaran iti virus.
Iti pannaki-uman ti Bombo Radyo Vigan ken ni Mayor Joseph Simon Valdez, dagiti barangay a naapektaran ket pakairamanan ti Sabuanan, Nagrebcan ken Ronda.
Nainget ti panagtitinnulong dagiti maseknan iti ilida ngem uray no nakaalertoda a mangbantay ket saan latta a nalapdan ti panagraira ti ASF iti lugarda ta iti kallabes ket nangiparuar ti ordinansa a mangiparit iti pannakaipastrek dagiti baboy gapu ta apektado dagiti kabangibang a lugar ti ilida.
Nupay kasta, saan pay a napagpapatangan no kaano ti pannakaidalan iti culling operation dagiti baboy.
-- ADVERTISEMENT --
