Sinigurado ti Armed Forces of the Philippines (AFP) ti kinasaganda ti panagtignay ti emergency ken didigra ita a panagtutudo.
Segun ken ni AFP Spokesperson Col. Francel Margareth Padilla, natibker ti takder ti military saan laeng a ti panangsalaknib iti pagilian nu diketdi uray ti nadaras ken napaspas a humanitarian assistance ken disaster response kadagiti apektado nga umili.
Agtitinnulong iti agduduma a unit iti AFP, kadua dagiti task force ken partner agencies tapno masigurado a naurnos, napaspas ken epektibo ti tignay iti baet ti didigra.
Paset ti panagsagana ti AFP iti regular a panagsanay dagiti suldado, pre-positioning dagiti gamit kadagiti high-risk area ken panangpapigsa ti logistical capabilities tapno makaserbi iti panawen a kasapulan.
