Nagpanawagan ti Armed F0orces of the Philippines kadagiti sabali pay a lokal a gobierno nga opisial nga ideklarar ti Hulyo 12 kas West Philippine Sea (WPS) Victory Day.
Kasaruno daytoy ti immuna nga addang ti Cebu City ken ti ili ti Labrador a nagipasa dagiti lokal a pagannurotan tapno selebraran ti balligi a 2016 arbitral victory ti Pilipinas.
Segun ken ni AFP Spokesperson for WPS Ret. Admiral Roy Vincent Trinidad, suportado ti militar ti pagilian kontra iti nalawa a panangtagikua ti China iti kabaybayan.
Innayon na pay a babaen iti panag-institutionalize iti daytoy a milestone, pa-patibkeren dagiti LGU ti legal ken moral a panangabak ti pagilian iti salinong ti 2016 Arbitral Tribunal Award.
Impaganetget ti opisial a dagituy a deklarasion ket agserserbi a panangraem kadagiti Pilipino a suldado ken personnel nga agtultuloy nga agbambantay iti maritime interest-tayo.
