VIGAN CITY- Plano ni Dr. Jose Blanche, maysa a retirado nga US Airforce ken aerospace scientist, iti makikinnammayet ti University of Northern Philippines (UNP) tapnu libre nga agisuro ti aerospace engineering major in aircraft maintenance.
Segun ken ni Dr. Blanche a maysa kadagiti nangdisenyo ken nangaramid ti presidential helicopter a nagluganan idi da dati a US president Ronald Raegan kenni dati a US president george H. W. Bush ken awardee ti Father Jose Burgos Awards ti kannawidan Ylocos Festival, nu adda agturpos iti aerospace engineering ditoy probinsiya, dakkel a gundaway kadakuada iti makapan iti ballasiw taaw tapnu makasapul da iti napintas a pagsapulan.
Mainaig dayta, nu saan kuma nga agsubli idiay Amerika ni Dr. Blanche ket isuna kuma pay iti maipatugaw a presidente ti Marinduque State College ket idiay to kuma ti pangipatakderan na ti School of Aerospace Engineering.
