VIGAN CITY – Mabalinen a makaala iti nayun a pinansial a tulong manipud gobierno babaen iti Unified Student Financial Assistance System for Tertiary Education Tertiary Education Subsidy dagiti benepisyaryo a mangal-ala iti licensure examination-da.
Dayta ket kalpasan a pinermaanen ni Commission on Higher Education ken UniFast Board Chairman Prospero De Vera III ti memorandum circular No 1 series of 2021 wenno ti Supplemental Guidelines on the Disbursement of Additional Grants for Tertiary Education Subsidy .
Dagiti benepisyaryo ti TES ket mabalinda a makaaplikar iti reimbursement nga agingga iti sangapulo a ribo a pisos a para iti application fees, notarial fees, review classes fees, insurance premium ken documentation fees.
Ti TES ket maysa a grant-in-aid program iti salinong ti Republic Act 10931 wenno ti Universal Access to Quality Education a pinermaan ni Presidente Rodrigo Duterte idi 2017 tapno matulongan dagiti kwalipikado nga estudiante.
