Agtultuloy nga ikkan importansya ni Presidente Ferdinand Marcos Jr ti kasasaad dagiti mangmangged kas pammigbig ken panagaymanna iti napateg nga akemda iti kagimungan.
Iti official message na ita a Labor Day, impaganetget ti presidente ti panagtrabaho ket saan laeng a para iti bukod a pagsayaatan no di ket dakkel ti tulongna iti pakasaritaan ti pagilian.
Segun iti presidente, iti inaldaw a panagtrabaho dagiti mangmangged ket adda ti kaipapananna para iti pagsayaatan ti kaaduan.
Inallukoy ti presidente a pagbalinen daytoy nga aldaw a gundaway tapno mabukel ti konkreto nga addang a mangsungbat iti pagkasapulan dagiti mangmangged agraman ti kinatalged iti lugar ti trabaho, karbengan ti kada umili ken patas nga oportunidad para iti nasayaat a masakbayan.
