Awan ti parikot ken ni Senador Bam Aquino ti bilin ti Bangko Sentral ng Pilipinas (BSP) kadagiti e-wallet provider a puteden ti kammayet dagiti online gambling sites.
Idi Huebs nga impaay ti BSP iti uppat a pulo ket walo nga oras kadagiti e-wallet compains nga ikkaten ti icons ken links nga adda pakainaigan ti e-gambling platforms, banag a sinurot dagiti kompania.
Segun ken ni Aquino, namnamaenna ti addang ti BSP ket mangpakapsot ken mapasardeng ti operasyon ti e-gambling iti pagilian.
Kinunana a masapul nga agaramid iti natibker a pangngeddeng ti Philippine Amusement and Gaming Corporation (PAGCOR) ken ni President Ferdinand Marcos Jr. para ti total ban.
Nagpanawagan manen ti senador nga ipariten ti online gambling tapno masalakniban dagiti pamilia ken kagimungan manipod iti saan a nasayaat nga epektona.
