VIGAN CITY – Imparuaren ti Ilocos Sur National High School dagiti addang a masurot para iti online enrolment a mangrugi inton June 1 agingga June 30.
Para kadagiti datin nga estudiante nga agenroll, kontakenda ti naudi a section adviser-da ta isu ti mangipakaammo kadakuada iti link a mai-post iti group chat ti section-da idi napalabas a school year.
No dagiti agdadamo a sumrek nga agenroll iti nasao a pagadalan ket bisitaenda iti Facebook account ti ISNHS ket sapulenda ti link no kasano iti agenrol.
Kalpasan a ma-click ti link, agparangto ti Enrollment Form kasapulan nga i-fill out dagiti agenrol iti nasao a pagadalan a kompleto ken mabalin met nga asistaranto ti dati a section adviser iti kallabes a school year dagiti agenrol.
Kamaudiananna, kitaen a naimbag ti pinermaan no umno ken kompleto dagiti impormasyon a dinawat ti enrollment form sa i-click ti submit.
