Inkari ni Presidente Ferdinand Marcos Jr a mairusat ti ad-adu nga irrigation projects tapno ad-adu a pagmulaan ti mapadanuman ken mapapigsa ti produksion ti bagas iti pagilian.
Segun ken ni Marcos, babaen iti kastoy a wagas ket saanen a marigatan iti nangina unay a presyo ti bagas, masigurado nga adda umdas ti suplay, ken saanen a kasapulan ti agimport.
Kunana a napadasanen idi pandemia a narigatan iti suplay ti bagas gapu iti awan a barko nga agideliver isu a nasken nga adda bukod a suplay ti pagilian.
Patien ti presidente a no adda umdas a suplay ti bagas ti pagilian manipud kadagiti lokal a mannalon, maksayan wenno maparmeken dagiti smuggler iti bagas isu a papigsaen ti administrasion iti produksion babaen iti ad-adu pay nga irrigation project.
