Agresibo ti Department of Tourism (DOT) iti panangallukoy iti ad-adu a turista manipod India tapno bumisita iti pagilian.
Segun ken ni Tourism Secretary Christina Garcia-Frasco, nasurok lima a million a turista manipod India iti bumibisita iti Association of Southeast Asian Nations idi 2024 ngem 79,000 laeng nga Indian iti bimmisita iti pagilian idi napan a tawen.
Nagranggo ti India a maika-sangapulo ket tallo iti biang ti foreign visitors iti pagilian idi 2014, a pakabuklan ti 78,995 travelers.
Ti bilang ket nangatngato bassit ngem iti 70,286 Indian visitors idi 2023 ken 51,542 idi 2022 idi naglukat manen iti pagilian iti border-da kalpasan ti covid-19 pandemic.
Tapno makaallukoy iti ad-adu pay a turista manipod India ket ikonsiderar ni Frasco ti promising outbound tourism market para iti pagilian isu a kinunana a posible nga i-advocate iti DOT ti liberalized visa issuance policy para iti Indian tourists.
Idi October 2024 ket inruar ti Department of Foreign Affairs (DFA) ti electronic visa para iti Indian nationals a bumisita iti pagilian.
