Nagpanawagan ti lider ti opposition bloc iti House of Representatives ken ni President Ferdinand Marcos Jr. nga i-certify kas urgent dagiti gakat nga agaramid ti ad-adu a medicine schools iti state universities and colleges wenno SUCs iti intero a paglian.
Segun ken ni House Minority Leader Marcelino Libanan a siam a gakat ti gagem a maaramid ti nayon a pagadalan ti medisina iti SUCs ta kasapulan dagiti Pilipino dagiti doktor tapno mapapigsa ti public health care system.
Kinunana nga iti agdama ket saan nga umanay dagiti doktor nga agturturpos gapu iti prohibitive cost ti medical schooling iti private higher education institutions isu a kasapulan ti ad-adu pay a colleges of medicine kadagiti SUCs kangrunaan kadagiti probinsia.
Innayonna a nu kayatda a masigurado a maka-access dagiti Pilipino iti quality health care ket masapul ti adu a baro a doktor tapno masukatan dagiti nagretiro wenno migrating overseas.
