Imbilin ni Presidente Ferdinand Marcos Jr. ti Department of Public Works and Highways (DPWH) nga aglukat ti ad-adu pay a bypass roads tapno makatulong iti panaginot ti gasolina iti tengnga ti agsasaruno a panagngato ti presio ti langis.
Segun ken ni DPWH Secretary Vince Dizon, kalaksidan ti panaginot ti gasolina ket makatulong pay dagiti bypass road iti panangpadaras ti biyahe ken delivery ti serbisio.
Kagiddan daytoy, imbilin pay ni presidente Marcos ti panangpadaras ti konstraksion ti farm-to-market roads tapno mapadaras ti transportasion dagiti produkto ti agrikultura. Innayon met ni Dizon a dakkel ti maitulong na ti proyekto kadagiti mannalon gapu ta maikkatan ti gastos da it transportasion ken mapadaras ti panangipatulod ti apit-da iti merkado.
