Mangisayangkat ti Department of Education (DepEd) kiti active-threat drills kadagiti pagadalan iti intero a pagilian mangrugi inton Agosto 25 tapno masubok ti kinasagana dagiti mangisursuro ken estudyante no dumteng ti peggad.
Kasaruno daytoy dagiti napasamak a kinaranggas kadagiti pagadalan a nakatkatayan dagiti estudiante.
Gagem ti drill a marukod no kasano kapartak ti tignay dagiti estudiante, pannakabakwit ken umno nga aramiden nangruna iti panang-contact iti pamilia dagiti estudiante.
Maaramid daytoy babaen ti pannakitinnulong ti Philippine National Police (PNP).
Segun ken ni DepEd Undersecretary Malcolm Garma, nalpasen dagiti protocol kalpasan ti inisial a testing iti Manila Science High School.
Panggepna pay a mailasin ti kinakurang ti safety protocol iti lebel ti pagadalan tapno mapasayaat ti kinasagana sakbay a naan-anay a maipatungpal ti sistema.
