VIGAN CITY – Umaboten iti sangagasut sangapulo ket pito ti aktibo a kaso ti covid-19 iti probinsia ta innem iti nainayon.
Lima pay iti nainayon a nalaingan isu nga umaboten iti 21,645, pakabuklan metten a 22,135 iti kumpirmado a kaso manipod 2020 idinto nga agtaltalinaed iti 373 a pimmusay.
Kaaduan latta nga aktibo a kaso ti covid-19 ket iti siudad ti Vigan a duapulo ket walo; sinaruno iti Sto. Domingo a siam; walo met iti ili ti San Juan; sag-innem iti siudad ti Candon, ili ti Bantay, Narvacan ken Sta. Cruz; sag-uppat idiay Santa, Sta. Catalina ken Tagudin; sag-tallo iti ili ti Cabugao, Caoayan, Cervantes, Galimuyod, Magsingal, Quirino, Sinait ken sta. Lucia.
Kabayatanna, sag-dua pay iti ili ti San Esteban ken San Vicente idinto a saggaysa idiay Alilem, Banayoyo, San Emilio, San Ildefonso, Santiago, Sigay, Sta. Maria ken Suyo.
