VIGAN CITY – Umaboten iti limapulo ket uppat iti aktibo a kaso ti covid-19 iti probinsia ta nanayunan ti walo.
Maibasar ti listaan ti covid-19 Action Center, umaboten iti 22,032 iti total a kaso manipod nangrugi ti pandemia ket adda met ti total recoveries a 21,610 ta nanayunan ti dua.
Agtaltalinaed met a tallogasut innem a pulo ket walo iti pimmusay iti nasao a sakit.
Kabayatanna, iti latta siudad ti Vigan ti kaaduan ti kaso ta addaan ti sangapulo ket lima; sinaruno iti Bantay nga addaan ti pito; addaan uppat iti siudad ti Candon; sag-tallo iti ili ti San Juan, Santa ken Sto. Domingo; sag-dua idiay Caoayan, Narvacan, Salcedo, San Vicente, Sta. Cruz, ken Tagudin; idinto a saggaysa idiay Galimuyod, Lidlidda, Magsingal, San Emilio, San Esteban, Sinait ken Sta. Maria.
