--Ads--
VIGAN CITY – Nanayunan iti sangapulo a covid-19 active case iti probinsia isu nga umaboten iti tallopulo ket walo.
Maibasar iti listaan ti Provincial Health Office, tallo iti nainayon a nalaingan isu nga umaboten iti 21,603.
Agtaltalinaed a 368 iti pimmusay idinto nga umaboten iti 22,009 iti total case manipod nangrugi iti pandemia.
Kabayatanna, dagiti nasao nga aktibo a kaso ket kaaduan iti siudad ti Vigan, sinaruno iti Sto. Domingo ta addaan ti uppat, sag-tallo iti ili ti Bantay, Santa, Sta. Maria; sag-dua idiay Candon City, ili ti Caoayan, Magsingal, San Vicente, Sinait; ken saggaysa manipod Galimuyod, Lidlidda, Salcedo, San Emilio, San Esteban, San Juan.
-- ADVERTISEMENT --
