Impaganetget ni Acting Davao City Mayor Sebastian “Baste” Duterte a transparent dagiti proyekto iti siudad kalpasan a kwinestyunaran ni Manila Rep. Bienvenido Abante Jr. ti pondo para iti flood control.
Kalpasan iti panangbisitana iti amana a ni dati a Pres. Rodrigo Duterte ket kinunana a sinungbatanen ti kabsatna a ni Rep. Paolo Duterte iti patangan.
Segun ken ni Mayor Baste, transparent ti kabsatna ken ti DPWH nu kayatda a makita ta awan iti parikot iti dayta.
Immunan a kinuna ni Rep. Paolo Duterte a naannayas a nakaisayangkat ken nalpas ti amin a proyekto iti distritona ken nabilin iti DPWH nga iruar ti records.
Impaganetget ni Baste nga adda bukod a flood control plans iti Davao City ngem kurang iti lokal a pondo isu a kasapulan ti panagpuonan iti national government para iti dadakkel a proyekto.
Binabalawna iti administrasyon gapu iti mapapati a pagkurangan iti infrastructure development.
