VIGAN CITY – Dismayado ni Act Teachers Partylist Rep. France Castro iti nagbalin a State of the Nation Address ni President Ferdinand Marcos Jr.
Iti pannaki-uman ti Bombo Radyo Vigan ken ni Castro, dismayado isuna ta awan man laeng iti nasarita ti presidente inaig kadagiti mangmangged kangrunaan iti maipapan iti sueldo ken contractualization; iti biang ti edukasyon gapu ti kaawan a nasaona maipapan ti salary upgrading dagiti mangisursuro ken saan a nailanad nu kasano ti pannakaipatungpal iti natalged a panagsubli ti face-to-face classes ta kasapulan ti pondo para iti nasao nga addang.
Nupay awan ti parikot ken ni Castro para iti pannakaipatakder iti virology institute ken panagpatakder iti ospital ket saanna nga anamungan iti panangituloyda ti Build Build Build program ni dati a President Rodrigo Duterte ta patienna nga isu iti kaaduan a pakaipanan iti pondo.
Saan pay nga inanamungan ni Castro ti panawagan ni Pres. Marcos inaig ti Reserve Officers’ Training Corps program kadagiti Grade 11 ken 12 ta nakitan iti epekto idi ti addang ta adda iti nalabsing ti karbenganda kas tao.
Innayonna nga adu iti wagas tapno maipakita ti panagayat ti pagilian dagiti estudyante tapno maipakita iti panagayat iti pagilian.
