VIGAN CITY – Italtal-o ti ACT Teachers Partylist a maikkan laeng dagiti mangiusrsuro iti husto a workload kadakuada.
Iti pannaki-uman ti Bombo Radyo Vigan ken ni Secretary General Raymond Basilio, no dagiti mangisursuro ket agisuron iti face-to-face classes ket nasken laeng a saandan nga igganan pay ti modular wenno online agsipud ta kasapulanto pay laeng ti nadumaduma a panagsagana.
Kiddaw pay ti grupo a masigurado a matungpal met laeng ti probisyon ti Magna Carta for Public School Teachers a saanda nga agtrabaho iti nalablabes ngem innem nga oras iti kada aldaw.
Malaksid dayta, ipampanawaganda pay a mabayadan dagiti mangisursuro iti overtime work-da kasta payen ti kaadda dagiti health worker kadagiti pagadalan tapno saan a dagiti mangisursuro ti mangakem iti trabaho nga adda pakainaiganna iti salun-at.
