Patien ti ACT Teachers Partylist a rumbeng nga iduron iti publiko iti panangipangruna iti pannakaipasa ti Anti-Dynasty Bill.
Dayta ket kalpasan iti panangkarit ni Pres. Ferdinand Marcos Jr. iti Kongreso a pagbalinen a prayoridad iti panangipasa dagiti uppat a gakat pakairamanan ti Anti-Dynasty bill, Independent People’s Commission Act, Partylist System Reform Act & Citizens Access, ken Disclosure Expenditures for National Accountability o CADENA Act.
Iti pannaki-uman ti Bombo Radyo Vigan ken ni Rep. Antonio Tinio, kalpasan iti mano a dekada a mailaklaksid iti nasao a gakat ket ita iti kasayaatan a gundaway dagiti umili gapu kadagiti mapaspasamak nangruna iti isyu iti korapsyon.
Patien ni Rep. Tino a no bilang maipasa iti nasao a gakat ket manamnama latta nga adda qualifications ken exemptions ket posible nga adda latta iti sumrek iti politika kadagiti agkakabagyan ngem maysa laengen iti national, local, probinsia ken ili.
No pay kasta, gapu ta mismo a ni Pres. Marcos iti mangal-allukoy iti kongreso iti pannakapasa iti gakat ket namnamaenna nga adda iti napintas nga ibunga wenno resulta iti nasao a panawagan.
