--Ads--
Awan ti asino man a pulis a manglabsing iti karbengan dagiti umili kas imballaag ni Philippine National Police Chief Gen. Nicolas Torre III ket impasiguradona a madusa dagiti abusado a pulis.
Segun ken ni Torre, nalawag ti pagallagadan ti PNP a ti asino man a manglabsing iti linteg ken regulasyon, nangruna ti karbengan dagiti umili, ket saanna a palabsen.
Innayon ni Torre a bayat ti panangtigtignay ti kapulisan kadagiti reklamo ti publiko, nakabantay met ti Commission on Human Rights a mangipasigurado a saan a maabuso ti turay dagiti pannakabagi ti linteg.
Idi kalman, binisita ni Torre ti CHR tapno ipaganetget kadakuada a kaduada ti PNP a mangilaban iti human rights.
-- ADVERTISEMENT --
