Imbilin ti Office of the Deputy Executive Secretary for Legal Affairs ti Office of the Presidente ti suspension ni Abra Vice Governor Maria Jocelyn Valera-Bernos iti sangapulo ket walo a bulan.
Nagtaud ti suspension manipud iti reklamo nga impila idi December 2020 ni Dr. Voltaire Seares, medical doctor ti Dr. Petronoillo Seares Sr. Memorial Hospital.
Dagiti reklamo kontra ken ni Valera-Bernos ket pakairamanan ti oppression, abuse of authority, conduct unbecoming of a public official, ken disobedience to national government policies a daytoy ket idi nagtakem a gobernador ti Abra.
Maibasar iti reklamo ni Dr. Seares, idi nagpositibo ti maysa a nurse iti ospital iti Covid19 idi June 2020, dagus nga impatungpal ti provincial government, babaen iti pammilin ni Valera-Bernos iti lockdown iti nasao nga ospital.
Nabarikadaan ti aglawlaw, ken ti Barangay Poblacion, La Paz ket naidalan iti Extreme Enhanced Community Quarantine.
Segun ken ni Dr. Seares, naparitan dagiti tattao iti uneg ti ospital a pumanaw.
Nakiriri ni Dr. Seares a ti naipatungpal a lockdown keta wan ti naan-anay a pagibasaran ken mailabsing iti pagannurotan nga inruar ti Inter-Agency Task Force for the Management of Emerging Infectious Diseases.
Kunana pay a ti lockdown ket premature ken kurang iti concurrence ti Cordillera Administrative Region-Regional Inter-Agency Task Force (CAR-RIATF).
