VIGAN CITY- Inawat ti Abra Police Provincial Office ti pammadayaw kas “Best PPO of the Year” a paset iti 22nd PCR Month Celebration and Awarding Ceremony iti probinsiya ti Benguet.
Iti pannakiuman ti Bombo Radyo Vigan ken ni PS/Supt. Rey Antolin De Peralta, provincial director ti Abra PPO, daytoyen iti maikapat a daras nga immawat da iti nasao a pammadayaw a nangipangato manen itik morale da ken inspirasyon iti panagserbi .
Innayon na a ti maibilang a best practice ti Abra PPO iti pannakikinnamayet da kadagiti panglakayen iti kada tribo iti probinsiya kadduada ni Abra Gov. Joy Bernos tapno matratar dagiti nadumaduma nga isyu ken programa kas iti boundary dispiute tapno maliklikan iti saan a panagkikinaawatan ken pinnatayan.
