--Ads--
Pinaglibakan ni Atty. Ruy Rondain a pinanggepna nga i-blackmail ni Pres. Ferdinand Marcos Jr. tapno masigurado a saan a makanselar ti pasaporte ni dati nga Ako Bicol party-list Rep. Elizaldy Co.
Segun ken ni Rondain, saan a pudno ti nasao a banag ta awan pay pulos iti nakasaritana manipod gobierno tapno makikammayet iti pannakapasardeng ti video a mair-iruar para iti passport.
Impaganetget ni Rondain nga awan iti kontrolna iti panagiruar kadagiti video.
Idi kalman ket inruar ni Co ti maikatlo ken maudi a paset iti maikadua a video-na ken inramanna ni First Lady Liza Araneta-Marcos kadagiti importer iti bagas nga adda iti likodan ti panagkontrol ti presyo no apay a saan a lumalaka.
-- ADVERTISEMENT --
