--Ads--
Kiniddaw ti abogado dagiti biktima iti war on drugs ni dati a Presidente Rodrigo Duterte nga ikkan ida iti naan-anay a panawen tapno sumungbat iti kiddaw ti kampo ni Duterte nga idisqualify ni ICC Chief Prosecutor Karim Khan.
Iti uppat a panid ti dokumento nga inruar ti International Criminal Court idi Agosto 15, kinuna ni Paolina Massida ti Office of the Public Counsel for Victims a saanda a dagus a naala dagiti dokumento nga inaramat ti depensa kas pagibasaran iti reklamo.
Innayon ni Massida a naikkan laeng ida ti access kadagitoy idi Agosto 11, lima nga aldaw kalpasan a naipila ti depensa ti petisyon idi Agosto 6.
Gapu dayta, nagkiddaw a marugian ti panagbilang iti deadline manipud iti petsa ti panangawat kadagiti dokumento.
-- ADVERTISEMENT --
