Nagpanawagan da House Assistant Majority Leaders Jay Khonghun iti Zambales ken Ernix Dionisio Jr. iti Manila a madusa ni Atty. Raul Lambino.
Ti nasao a banag ket impaganetget da Khonghun ken Dionisio kalpasan a mapapati nga inwaras ni Lambino ti fake news a nangiruar ti Supreme Court iti temporary restraining order (TRO) a manglaplapped ti pannakakemmeg ken ni President Rodrigo Duterte kasaruno ti warrant of arrest manipod International Criminal Court.
Segun ken ni Rep. Khonghun, dagiti abogado ket adda akemda nga iduron ti kinaagpaysu isu a rumbengda a madusa nu agsaritada ti fake news ken kinasalawasaw.
Impaganetget ni Rep. Dionisio a delikado ti panagwaras iti peke ken saan a pudno nga impormasyon a mabalin nga agresulta iti riribok ken gagem nga allilawen iti publiko ken dadaelen ti imahe dagiti institusyon kas iti hudikatura.
