VIGAN CITY – Saan a kayat ni Amateur Boxing Association of the Philippines (ABAP) Secretary General Ed Picson iti mangted iti patta-patta na nu manu iti balitok a medalya a magun-od to dagiti boksingero nga atleta da iti 30th Southeast Asian Games a maisayangkat inton November 30 agingga December 11.
Nadakamat ni Picson iti pannaki-uman kenkuana ti Bombo Radyo Vigan nga adu dagiti makaigapu nu apay a saan na a kayat iti mangted iti patta-patta wennu prediksyon na nu manu iti kabaelan a gun-oden a balitok a medalya dagiti atleta da ngem inpasigurado na a saan da a madehado.
Kabayatanna, ingunam-gunam na a kaaduan kadagiti boxer – athletes a makipaset ti SEA Games itatta ket naggapu iti grassroot level wennu kadagiti naduma-duma a probinsiya a napatanur babaen kadagiti tournament nga isaysayangkat ti ABAP ken Philippine Sports Commission tapnu makasapul da kadagiti potential boxers.
Kiddawen ni Picson iti suporta iti publiko, saan laeng a ti benneg iti boxing nu di ket kadagiti amin nga event a pakisalipan to dagiti Filipino athletes inton SEA Games.
