VIGAN CITY – Kaso a frustrated homicide ti sangwen ni Juniefer Tabalbag alyas Nanot, agtawen iti tallopulo, baro, construction worker nga agnaed iti Brgy. Lubigan Badoc, Ilocos Norte gapu ti panangbagkongna ken ni Richard Respicio Tolentino, agtawen iti tallopulo, baro nga agnaed idiay Brgy. Dadalaquiten Norte, Sinait a karelasyon ti managan Princess Icari, agtawen iti tallopulo ket maysa a taga Brgy. Cabangtalan, Sinait.
Iti pannaki-uman ti Bombo Radyo Vigan ken ni Police Chief Master Sergeant Danny Balisay, imon ti rason iti pasamak ta impatangken ti suspek a duada pay laeng iti babai ngem makisinsinnarak metten iti sabali.
Pinasingkedan ni Icari, agtawen iti tallopulo ket maysa a bayat ti panaginomda iti biktima a nobyona iti kubo iti asideg iti barangay road ti nasao a barangay ket simmangpet ti suspek a nangbagkong iti biktima.
Gapu dayta, nagsagaba iti dunor ti akin-kannawan nga abaga ken naipan iti Corpuz Clinic and Hospital-Sinait para iti pannakatamingna idinto a naglibas ti suspek kalpasan ti insidente.
Naisayangkat ti hot pursuit operation para iti posible a pannakakemmeg iti suspek.
Malaksid iti dayta, nakainom ti suspek idi napasamak ti insidente.
