--Ads--

Saan pay a marikna nga insigida dagiti umili ti positibo nga epekto dagiti katulagan a napirmaan ti Pilipinas ken dagiti sabali a pagilian iti kalkalpas a 47th ASEAN Summit.

Dayta ti impaganetget ni Constitutional Lawyer Atty. Michael Henry Yusingco kagiddan ti panangipanawaganna iti panangtingiting ti civil society organizations ken Kongreso kadagiti detalye dagiti napermaan a katulagan tapno masigurado a mabenepisyaran met laeng ti publiko.

Iti pannaka-uman ti Bombo Radyo Vigan ken ni Yusingco, kunana a naipakita ti Marcos administration ti kabaelanna a mang-host iti regional summit.

Innayonna a natungpal ti gobierno dagiti rebbengna nga aramiden kas host country, numan pay adda dagiti dadduma a patangan a kasapulan a mailawlawag, agraman ti pakabuklan a gatad a nailatang ken nagastos para iti summit.

-- ADVERTISEMENT --

Impaganetgetna pay a kasapulan a sangwen dagiti awtoridad ti pannusa gapu iti pannakaibalud dagiti aktibista a nagprotesta ket saan a nasken nga yaleng-aleng ti gobierno ti isyu, no di ket nasaysayaat no mangted iti naan-anay a palawag.