--Ads--

Naselyoan ni Presidente Ferdinand Marcos Jr ti $87-M a kontrata para iti pannakaipatakder ti manufacturing facility idiay Alitagtag, Batangas kalpasan a nakitaripnong iti C&U Group ti China iti sidelines ti Asia Pacific Economic Cooperation Summit idiay Shenzhen, China. 

Segun ken ni Marcos, maysa daytoy a napigsa a vote of confidence iti Pilipinas kas manufacturing destination.

Iti nasao a taripnong, impeksa ti Chinese company ti plano a pannakaipatakder ti integrated facility idiay Batangas.

Daytoy ket para iti panagaramid kadagiti bearing dagiti lugan ken bearing components a mangpataud iti trabaho para kadagiti Pilipino.

-- ADVERTISEMENT --

Innayon ti Presidente a no agbalin nga operational ti pasilidad, posible daytoy nga agbalin a kadakkelan a production base ti kompania iti ruar ti China ken kakaisuna a manufacturing facility iti ruar ti Southeast Asia.