
--Ads--
Kinuswestyunaran ni Senador-Judge Raffy Tulfo ti testimonia ni Atty. Rainer Dela Fuente kalpasan a kinumpirmaran ni defense lawyer Atty. Mark Vinluan a saan a naikkan ti saksi iti kopia ti forensic report sakbay a timmabuno iti impeachment trial ni Bise Presidente Sara Duterte.
Segun ken ni Tulfo, saan a nasken a kontraen ni Dela Fuente ti naduktalan ti forensic expert a ni Atty. Alex Cabrera no saanna a nabasa wenno narepaso dagiti dokumento a naaramat iti eksaminasion.
Impaganetget ti senador a saan a mabalin a kontraen ti maysa a saksi ti forensic report no saanna ammo ti linaonna.
Inyunay-unay ni Tulfo nga umuna a basaen ken repasuen ni Dela Fuente ti nadakamat a report sakbay nga agkomento kadagiti natakuatan ti eksperto.
-- ADVERTISEMENT --










